Sendur aðra hvora viku

til 911 tryggra áskrifenda

Einkennisþrúga vínframleiðandans Umani Ronchi í Le Marche héraði á Ítalíu er án efa hvítvínsþrúgan Verdicchio. Úr Verdicchio þrúgunni gerir Umani Ronchi nokkur vín í mismunandi verðflokkum og höfum við frá upphafi flutt inn eitt þeirra, gæðahvítvínið Casal di Serra.

Við höfum ekki talið ástæðu til að flytja inn ódýrasta Verdicchio hvítvínið frá framleiðandanum einfaldlega vegna þess að Casal di Serra hefur alltaf verið svo góð kaup. Casal di Serra stendur enn fyrir sínu en vegna gengislækkunarinnar hefur verðmiðinn á því hækkað verulega og því finnst okkur ástæða til að leita í ódýrari útgáfuna af þessu vinsæla hvítvíni.

Verdicchio 2008 er létt og þægilegt hvítvín, fyrirtak í sumarið sem framundan er. Áfengismagnið er líka ekki nema 12% svo það hentar vel til almenns söturs, fyrir mat eða með léttari pastaréttum, grænmeti og fiski.

Fyrir áhugasama má benda á það að langi titill vínsins, Verdicchio dei Castelli di Jesi, þýðir einfaldlega það að vínið í flöskunni er búið til úr Verdicchio þrúgum sem eru ræktaðar í hæðunum í kringum bæinn Jesi.

Verdicchio 2008 kostar 1.691 kr. og fæst í Vínbúðunum Heiðrúnu, Kringlunni og Skútuvogi.

Lestu um framleiðandann Umani Ronchi »

Um eitt hundrað sjálfboðaliðar hafa undanfarnar vikur hannað landakort yfir vínframleiðendur okkar.

Kortin höfum við síðan sett inn á síðu framleiðendanna á vefnum okkar svo nú er hægt að sjá nákvæmlega hvar hver vínframleiðandi býr, jafnvel upp á fersentimeter.

Í leiðinni erum við taka saman túbur sem við finnum á youtube eða höfum búið til sjálf sem tengjast framleiðendum okkar með einhverjum hætti og sett þær inn á síðurnar þeirra líka.

Vonandi skemmtið ykkur vel.

Landakortin má líka nálgast beint á kortavef Google móðurtölvunnar; skoðaðu vínframleiðendur á Ítalíu, vínframleiðendur í Frakklandi og vínframleiðendur í Ástralíu.

Allar okkar túbur á YouTube »

Ef það er einhver réttur sem bloggarinn borðar ítrekað yfir sig af á heimilinu er það lasagna.

Það er eitthvað við þennan rétt sem gerir hann svona ómótstæðilegan; bráðnaður parmeggiano osturinn, bechamela sósan, kjötið, tómatsósan.

Okkar uppskrift er svo sem ekkert í líkingu við orginalinn, ekkert frekar en uppskriftin hennar Rachael Ray en hún er ansi góð.

Hér má lesa um Lasagna á Wikipedia

Uppskriftin af lasagna hússins »

Það er væntanlega til lítils að benda lesendum á að vínin frá Lucien Le Moine eru fáanleg á 9 af 12 bestu veitingahúsum heims að mati Restaurant Magazine.

Ekki líklegt að margir Íslendingar séu að borða þar á næstunni.

En — það má benda á þessa ánægjulegu staðreynd til staðfestingar hversu góð vínin eru vegna þess að það eru ekki öll vín sem detta inn á radar eins margra sprenglærðra vínþjóna og -þefara sem velja vín inn á þessa ágætu staði.

Kíktu á bloggið til að sjá hvaða 9 veitingastaðir þetta eru

Það mætti ætla að Lucien Le Moine fyrirtækið hafi áunnið sér þennan sess með þrotlausu markaðsstarfi en svo er ekki; hjónin eru bara tvö í fullu starfi og hafa um eitthvað allt annað að hugsa, eins og að búa til vín.

Vínin tala fyrir sig sjálf.

Hér má skoða listann yfir 50 bestu veitingastaði heims »

Um tíma þegar heimilið var með BBC Food í áskrift datt bloggarinn ítrekað inn í ákveðna tegund af sjónvarpsþáttum. Þessir þættir voru ekki hefðbundir uppskriftaþættir með prúðbúnum sjónvarpskokki í myndveri heldur lögðu þeir mikið upp úr hráefninu sjálfu. Þáttastjórnandinn fór út á ekrurnar, niður í fjöru, sigldi á bátum, rölti inn á markaðinn, kíkti í sláturhúsið — hvert sem gott, staðbundið hráefni var að finna og eldaði upp úr því á staðnum.

Öllu þessu var miðlað af mikilli ástráðu og stundum slatta af breskum húmor hjá köppum eins og Keith Floyd, sem yfirleitt eldar með vínglas í annarri hendinni, og hinum stóískari Rick Stein. Keith er öllu hrárri en Rick fágaðri, hvor með sína kosti.

Við vorum að fá inn um lúguna nokkra DVD með köppunum tveimur í boði Amazon:

Rick Stein Food Heroes (mjög áhugaverð sería þar sem Rick ferðast um Bretland og notar staðbundið hráefni)

The Keith Floyd Cookery Collection - Floyd Around The Med (miðjarðarhafs matargerð)

The Keith Floyd Cookery Collection - Floyd On Italy (matur, vín og menning Ítalíu)

The Keith Floyd Cookery Collection - Floyd Uncorked (Keith ferðast um vínekrur Frakklands í þessari seríu)

Keith Floyd frá a til ö á Amazon »

Hjálpaðu okkur að stækka

	Senda til vinar
	Senda á Facebook

Allt er gott sem endar (vel)

Þessi póstur er sendur til [email address suppressed] af því þú skráðir þig á póstlista Víns og matar.
Komið nóg í bili? Smelltu hér til að segja upp áskriftinni.