NÝTT RAUÐVÍN

Rauðvín beint frá bónda

Kosturinn við mörg vín frá S-Frakklandi er hagstætt verð.

Við þurfum hagstætt verð.

Þau eru líka oft þroskuð og ávaxtarík eftir Miðjarðarhafssólina og spriklandi af lífi og karakter.

Fær í flestan sjó þegar kemur að því að njóta þeirra með mat.

En framleiðendur eru margir og vínin mörg og þar þurfum við að þefa uppi eitthvað spennandi — eitthvað sem okkur finnst ástæða til að flytja úr sínu náttúrulega umhverfi alla leið í hillur Vínbúðanna.

Calamiac Terroir Minervois 2005 er svona vín, með 5 ár á herðunum og farið að sýna sínar bestu hliðar.

Og framleiðandinn er bara lítill bóndi sem mælist varla á alþjóðaratsjám eða google earth.

Gestgjafinn valdi það VÍN MÁNAÐARINS og lýsti svo vel "Öll Minervois-sveitin í glasinu, karakterríkt vín og elegant, gómsætt."

Ein góð ástæða til að skreppa í Vínbúðirnar.