Chateau de Flaugergues er Vín mánaðarins í Gestgjafanum  2006 árgangur af GSM víninu Chateau de Flaugergues frá samnefndum framleiðanda í S-Frakklandi hefur verið fáanlegur í nokkra mánuði í Vínbúðunum.
Eins og alltaf þegar Gestgjafinn fjallar um vínin okkar fórum við með eina flösku af þessum nýja árgangi í höfuðstöðvar fyrirtækisins á eyjunni Atlantis og biðum svo þolinmóð eftir dómi þeirra mæðgina Dominique og Eymars sem fjalla um vín fyrir tímaritið.
Niðurstaðan er ljós. Dómur er upp kveðinn. Kjósendur eru sammála.
Chateau de Flaugergues 2006 hlýtur að þessu sinni ekki titilinn "kynþokkafyllsta vínið" eða "besta ljósmyndafyrirsætan" heldur er það valið "vín mánaðarins" sem er í raun samnefnari fyrir hitt plús ýmislegt fleira.
Allavegana, það er gott. Og ennþá á gamla verðinu, 1.794 kr.
Lestu allan dóminn í Gestgjafanum
Við mælum með því með góðu og einfaldlega matreiddu grillkjöti eins og lambafillet eða svínalundum með fersku kryddi.
Meira um framleiðandann »
Viðtalið: Tinna á kaffibauninni  Viðtalið er nýr fítus í Vínpóstinum þar sem einhver skemmtileg persóna úr lífríki vín- og matarheima er spurð um og hitt og þetta.
Verkinu er vasklega ritstýrt af hinum leiftrandi l'editeur og kunnum við honum bestu þakkir fyrir.
Fyrsti viðmælandinn er Tinna sem rekur Kaffifélagið á Skólavörðustíg 10 (við hliðina á Ostabúðinni). Þetta er lítið, persónulegt kaffihús með fyrirtaks kaffi og góða þjónustu. Tinna skráir t.d. niður (ef þú vilt) hvaða kaffi þú kaupir svo þú munir það þegar þú kemur næst á kaffihúsið.
Lestu allt viðtalið við Tinnu og skoðaðu myndir frá heimsókninni.
Frá því í desember á síðasta ári hefur Tinna boðið gestum sínum upp á súkkulaði frá Amedei.
Allar myndamöppurnar okkar á flickr »
Þórdís bloggar um Grecante  Hún Þórdís íslenskufræðingur hélt áfram með vínkeðjuna okkar og fjallaði um hvítvínið Grecante frá Arnaldo Caprai.
Lestu hvað hún segir um Grecante
Þórdísi fannst vínið “ilma dásamlega í glasinu” og “frískandi, þurrt og mjög bragðgott” en elskhuginn fann að auki “exótíska ávexti og gott eftirbragð”.
Þar hitta þau naglann þráðbeint á höfuðið að okkar mati.
Bitra internetmamman Unnur hefur tekið áskoruninni um að halda vínkeðjunni áfram.
Lestu allt um vínkeðjuna »
 Það hefur verið rólegt á miðunum síðustu mánuði fyrir utan vín frá framleiðendum í Búrgúnd, Kaliforníu og Valpolicella en þau teljast öll með dýrari vínum og hafa ekki fengist í hillum Vínbúðanna.
Í sumar er hins vegar framundan hrina af vínum á mjög viðráðanlegum verðum, á bilinu 1.390 til 2.590 kr.
1. júlí hefja þrjú ný vín frá hinum austurríska Sandhofer reynslusölu; rauðvín, rósavín og hvítvín. 1. ágúst er svo stóri smellurinn því þá hefja reynslusölu 7 ný vín frá Ítalíu; hvítvín frá Umani Ronchi, hvítt og rautt frá Arnaldo Caprai, hvítt og rautt frá Falesco og síðast en ekki síst freyðandi rautt Lambrusco og yndislegt og sætt Moscato freyðivín frá Lini fjölskyldunni sem jafnframt er fyrsti framleiðandinn okkar frá Emilia-Romagna héraðinu.
Meira um allt þetta þegar nær dregur.
Skoðaðu listann yfir þá framleiðendur sem við flytjum inn »
 Við tókum þátt í vel heppnuðum kökukonsert 21. maí síðastliðinn.
Við Hafliði heyrðum óminn af söngnum inn í eldhús þar sem við undirbjuggum herlegheitin á meðan á tónleikunum stóð, þrjár kökur og þrjú vín.
Kíktu á myndir frá tónleikum.
Allar myndamöppurnar okkar á flickr »
|
Það er ekki furða að Chablis vín eru þekkt og vinsæl því þau eru líklegast einhver matarvænstu hvítvín sem finnast. Tvö slík frá Domaine Christian Moreau eru fáanleg í Vínbúðunum — kjörin þegar maður vill ekki bara hvítt heldur eitthvað verulega gott. 
Úrslitarimma NBA körfuboltans hefst á fimmtudaginn og gömlu fjendurnir, Boston Celtics og Los Angeles Lakers, mætast aftur í sögulegri viðureign. 
