Freyðandi Moscato frá Lini á 1.390 kr.
Við fjölluðum um Lambrusco frá Lini ekki alls fyrir löngu hér í Vínpóstinum. Ekki verksmiðjuframleitt Lambrusco heldur alvöru, hefðbundið, þurrt og berjaríkt Lambrusco eins og Ítalir vilja hafa það.
Því hefur verið vel tekið hjá þeim sem hafa prófað og við viðurkennum með ánægju að Lambrusco Scuro frá Lini er mest drukkna vínið á okkar bæ síðan það kom í sumar. Við drekkum það með lasagna og ýmsum öðrum pastaréttum og ekki síst heimalagaðri föstudags-pizzu.
Gestgjafinn er okkur sammála því í nýlegu tölublaði velur hann það Bestu kaupin og gefur því fjögur glös (lestu dóminn).
En við ætluðum ekki að tala um þetta vín heldur annað vín, ekki síður gott, frá sama framleiðanda.
Lini er nefnilega freyðavína-séní. Þarna eru framleidd freyðivín í kampavínsstíl, freyðandi Lambrusco í öllum litum og vínið sem við fjöllum um í dag Moscato Spumante.
Moscato Spumante er eins og nafnið gefur til kynna úr þrúgunni Moscato og minnir svolítið á freyðivínin frá Asti úr sömu þrúgu. Moscato Spumante er hins vegar ferskara og að okkur mati talsvert betra en bestu Asti freyðivín sem hér fást.
Áfengismagnið er einungis 6% og vínið því mjög auðdrekkanlegt. Sætleikinn gælir mátulega við bragðlaukana og verður aldrei væminn þar sem sýran og freyðandi bólurnar halda því fersku og lifandi.
Allar konur sem við vitum til að hafi prófað vínið hafa fallið fyrir því en við leggjum karlmennskuhlið fyrirtækisins að veði og lýsum því yfir að vínið falli jafnt báðum kynjum.
Moscato Spumante frá Lini kostar 1.390 kr. og fæst í Vínbúðunum Heiðrúnu og Kringlunni. Best vel kælt — það er ljómandi gott eitt og sér, sem fordrykkur með eða án smárétta, eða með jóla-smákökuátinu sem framundan er.
Kíktu á nýja og svala vefsíðu Lini framleiðandans »
Bingó! — Áskrifendur að Vínpóstinum er orðnir fleiri en 700 og vinningurinn hefur bólgnað út
Áskrifendur að Vínpóstinum eru orðnir fleiri en 700 og þá er eins gott að standa við stóru orðin.
Einn heppinn áskrifandi verður dreginn úr þeim hundrað sem bættust við eftir þeir urðu 600, þ.e.a.s. dregið verður úr hópi nýrra áskrifenda frá 601 til 700.
Vinningshafi verður tilkynntur innan skamms.
Og hér var að bætast við áríðandi frétt:
Vinningurinn hefur bólgnað út og inniheldur nú ekki aðeins vínsmökkun í boði hússins heldur ætlar veitingastaðurinn La Primavera að leggja til fingurfæði til að narta í með vínunum í vínsmakkinu.
Miðað við þá öru fjölgun sem hefur átt sér stað undanfarið (áskrifendur eru nú 718) verður ekki langt að bíða þar til dregið verður aftur í happdrættinu og þá úr nýjum áskrifendum frá 701 til 800. 
Meira um Vínpóstinn »
Val 
