Sendur aðra hvora viku
til 670 tryggra áskrifanda

Maður á líklegast ekki að vera að skrifa Vínpóst þegar úti eru 23 gráður og ekki hnoðri á himni en tilefnið er gott og sérstaklega viðeigandi — svalandi!

Nýtt Lambrusco er nefnilega komið í hillur Vínbúðanna. Það kemur frá Lini sem er lítið fjölskyldufyrirtæki að okkar skapi. Þeirra Lambrusco er hefðbundið í góðum skilningi þess orðs, þ.e.a.s. ekki væminn og sætur djús heldur vel þurrt og mikið freyðandi með fallegum, djúp-vínrauðum lit.

Þú trúir ekki hvað það er gott fyrr en þú hefur smakkað það.

Það er næstum óþarfi að taka fram að Lambrusco eins og þetta er sérstaklega heppilegt í hita sumarsins. Kjörið fyrir alla þá sem finnst Lambrusco gott og alla hina sem héldu að Lambrusco gæti aldrei verið gott.

Verð 1.690 kr. í Heiðrúnu og Kringlunni.

Áfengismagnið er aðeins 11%. Flaskan klárast allt of hratt svo keyptu tvær.

Ok! við játum — við kolféllum fyrir miðanum líka.

Lestu um Lambrusco á Wikipedia »

Lini er einn heitasti litli framleiðandinn á Lambrusco vínum í dag og rataði nýlega í Men's Vogue.

Það var hún Alicia Lini og er myndin hér til hliðar tekin af því tilefni.

Bumbubúinn sem sést þarna á myndinni kom í heiminn í vor og heilsast vel, eflaust vel marineraður af Lambrusco — nei, við segjum svona bara.

Lestu viðtalið við Alicia Lini í Men's Vogue

Alicia er líka í útvarpinu.

Hlustaðu líka á nýlegt útvarpsviðtal við hana sem tekið var í New York

Og —

Alicia Lini í sjónvarpsviðtali á youtube (ítalska)

Tveir blaðamenn frá Gestgjafanum, mæðginin Dominique og Eymar, héldu til Úmbría í maí síðastliðnum og heimsóttu vínframleiðandann Arnaldo Caprai.

Það eru himinlifandi með heimsóknina og fjalla ítarlega um hana í nýjasta tölublaði Gestgjafans auk þess sem að þau fjölluðu stuttlega um Caprai í tölublaðinu þar á undan.

Tvö ný vín frá Caprai hófu sölu í Vínbúðunum í vikunni, Anima Umbra rautt og Anima Umbra hvítt, en um þau verður fjallað innan skamms hér í Vínpóstinum.

Kíktu á nýja og flotta vefsíðu hjá Arnaldo Caprai »

Unnur María er nýjasti hlekkurinn í Vínkeðjunni.

Lestu hvernig hún lýsir kvöldstund með Fjallafálkanum

Unnur María hefur skorað á Helgu Þóreyju til að halda áfram með Vínkeðjuna en Helga hefur tekið áskoruninni.

Við létum Helgu fá nýja rauðvínið frá Arnaldo Caprai, Anima Umbra, í hendurnar.

Helga er blaðamaður á Fréttablaðinu og hefur m.a. gagnrýnt veitingastaði og músík á ferlinum og nú er spurning hvað hún gefur Anima Umbra margar stjörnur.

Lestu allt um Vínkeðjuna »

Vínframleiðandi vikunnar

Okkar vinsælast vín frá upphafi Casal di Serra er hársbreidd frá því að detta úr kjarna Vínbúðanna og því hvetjum við alla unnendur þess að muna eftir því í næstu Vínbúðarferð.

Önnur vín frá Umani Ronchi í Vínbúðunum sem stendur eru rauðvínið Cumaro Riserva og nýja hvítvínið Pecorino.

Meira um Umani Ronchi  »

Allt er gott sem endar (vel)

Þessi póstur er sendur til [email address suppressed] af því þú skráðir þig á póstlista Víns og matar.
Komið nóg í bili? Smelltu hér til að segja upp áskriftinni.