Sendur aðra hvora viku
til 669 tryggra áskrifanda

Það eru svo margar mismunandi þrúgnategundir á Ítalíu að það er ekki furða að fólk muni ekki nöfnin á þeim öllum; Verdicchio, Vernaccia, Vermentino, Aglianico, Nero d'Avola, Teroldego, Sagrantino, Sangiovese osfrv. osfrv.

Hér kemur hins vegar vín sem samanstendur af tveimur þrúgum sem flestir ættu að kannast við, Syrah og Merlot.

Tellus er nýtt vín frá galdrakörlunum í Falesco, Cotarella bræðum. Víngerðin á vínekrur í tveimur nágrannahéruðum, Úmbría og Lazio, og kemur Tellus frá því síðarnefnda.

Í Lazio er ekki mikil rauðvínshefð, þar gera menn fremur hvítvín, og því ekki nein knýjandi þörf á að fara í heðfbundnar stellingar og nota staðbundnar þrúgur eins og tíðkast í flestum öðrum héruðum landsins.

Tellus er fyrir vikið alþjóðlegra en mörg okkar ítölsku rauðvína. Liturinn er afskaplega dökkur og vínið allt fremur þykkt og ávaxtamikið. En glæsilegt er það og það nægir okkur.

Tellus 2006 kostar 1.895 kr. og fæst eingöngu í Vínbúðunum Heiðrúnu og Kringlunni.

Lambakjöt hvers konar, allt frá læri til lunda, ætti að sóma sér best með víninu og fuglakjöt á borð við önd og kalkún.

Meira um Falesco víngerðina »

Vínpósturinn er ekkert leyndarmál. Við viljum virkilega að sem flestir lesi hann.

Það hefur þegar verið gert opinbert að við stefnum á að dreifa Vínpóstinum til a.m.k. 900 áskrifenda.

Og þegar því er náð verður haldið svaka partí.

Til að rifja aðeins upp leikreglur í áskrifenda-happdrættinu sem allir eru að tala um þá drögum við út heppinn áskrifanda úr hverju nýju hundraði sem bætist við, talið frá 600 þegar að leikurinnn hófst.

Nú eru áskrifendur 669 sem er fín tala ef hún er lesin á hvolfi.

Vinningshafinn fær að launum vínsmökkun fyrir sig og sína.

Ef þú ert ánægður áskrifandi (eins or herrarnir á myndinni) væri vel þegið að sendir á félaga og samstarfsmenn og alla aðra sem þér finnast skemmtilegir, 20 ára og eldri, og hvattir þá til að skrá sig.

Hér má skrá sig á póstlistann »

Að vera með bein í nefinu þykir góður eiginleiki á okkar heimili.

Lýsing Gestgjafans á Rosando 2006 frá Hubert Sandhofer í nýjasta tölublaðinu á þann veg að vínið væri "með bein í nefinu" er því mjög jákvæð, ekki síst í ljósi þess að rósavín eru almennt ekki talin hafa "bein í nefinu".

Vínið fær 4 glös í Gestgjafanum af fimm mögulegum.

Lestu allan dóminn um Rosando 2006 í Gestgjafanum

Þegar rósavín eru góð eins og þetta eru þau að okkar mati oft með matarvænstu vínum á markaðnum. Þessi rauðhvíti eiginleiki sem samanstendur af ferskleika og léttleika hvítvíns í bland við tannín og endingu rauðvíns veldur því að rósavín eins og Rosando 2006 ganga bæði í hlutverk flestra hvítvína og líka sumra rauðvína.

Fiskur af flestu tagi steinliggur, grænmeti, pasta, pizzur, hamborgarar og léttari kjöttegundir eins og kjúklingur og svínakjöt.

Gott rósavín keppir keppir ekki í bara 100m spretthlaupi, stangastökki eða spkjókasti. Gott rósavín keppi í tugþraut. Gott rósavín getur allt.

Nei, þetta er kannski full langt gengið en ...

... Gestgjafinn tekur undir þetta og kallar vínið "matarvænt" og bætir við "... en gengur eitt og sér" til að kóróna fjölhæfni þessa ágæta víns.

Kíktu á alla nýjustu dómana á blogginu »

Sjö rýnar hittust í Svartholi Trausta á dögunum og rannsökuðu rauðvínið Anima Umbra frá Arnaldo Caprai. Vínkeðjan slapp ósködduð úr svartholinu.

Niðurstöður rýnanna voru misjafnar, allt frá tveimur til fjögurra stjarna. Það var tekið miðgildi, meðaltal, staðalfrávik en vænst þótti okkur um lokaniðurstöðuna sjálfa:

"Áfram Vínkeðja, áfram UMBRIA, áfram vín og matur, áfram rauðvín, áfram vínsmökkun".

Lestu hvað Trausta og vinum finnst um Anima Umbra

Trausti skorar á Önund til að halda áfram með keðjuna.

Lestu meira um ferðina í Svartholið á blogginu »

Vínkynning á Sandhofer vínum á Vínbarnum síðastliðinn þriðjudag gekk vel þrátt fyrir að bloggarinn hafi gleymt að taka myndavélina úr vasanum eina ferðina enn.

Hellingur af fólki var á staðnum, svo margir að fastagestir áttu erfitt með að komast fyrir en sættu sig vonandi við það hlutskipti að fá ókeypis vínsmakk í staðinn.

Sama dag var viðtal við Hubert Sandhofer í Íslandi í dag, svona glimrandi fínt viðtal.

Kíktu á viðtalið við Hubert Sandhofer í Íslandi í dag »

Vínframleiðandi vikunnar

Í annað sinn er Lucien Le Moine valinn Vínframleiðandi ársins hjá bandaríska víntímaritinu Wine and Spirits.

Meira á blogginu

Lucien Le Moine er lítil og ung víngerð í eigu Mounir hjónanna í hjarta Búrgúndar: Þau framleiða 50 ólík vín sem eru orðin meðal eftirsóttustu vína héraðsins enda ekki nema um 3-600 flöskur framleiddar af hverju víni.

Meira um Lucien Le Moine »

Ekki bara drekka. Líka smakka.

Þegar kemur að því að smakka vín eru allir sérfræðingar.

Sendu okkur póst eða hringdu í okkur í síma 693 7165 ef þú hefur áhuga á að skipuleggja vínsmökkun fyrir þig og þína.

Vínsmökkun: ekki bara upp á punt »

Nýtt og nýlegt á blogginu

• » Fundinn!
• » 4 glös í Gestgjafanum
• » Vínkeðjan: Anima Umbra lendir í svartholi Trausta
• » Ísland í dag: viðtal við Hubert Sandhofer
• » Vín vikunnar í 24 stundum: Torbreck Juveniles 2006

Allt bloggið »

Við mælum með...

... að þú kaupir vínin í Kringlunni og Heiðrúnu

Þar fást einfaldlega öll vín sem Vínbúðirnar bjóða upp á.

Við beinum velunnurum okkar þangað vegna þess að mörg okkar vína fást einfaldlega ekki í öðrum Vínbúðum.

Þú skilur.

Kíktu á nýjan vef Vínbúðanna

Sumarljós og svo kemur nóttin

Það eru ekki margar skáldsögur sem tekst að koma eins mörgum, ólíkum blæbrigðum í eina og sömu bókina.

Jón Kalmann fyllir Sumarljós og svo kemurm nóttin af dulúð og raunsæi, bullandi húmor og voveiflegum atburðum, mannleysum og merkikertum, gleði og sorg í litlu þorpi á Vestfjörðum.

Einhver besta bók sem við höfum lesið.

Meira um bókina hjá útgefandanum

Þættinum hefur borist bréf

Sigurjón sendi okkur póst og spurði hvernig við fyndum þá framleiðendur sem við flytjum inn.

Okkar svar:Leiðirnar eru nokkrar en í flestum tilfellum kynnumst við framleiðendum okkar fyrst í gegnum lestur bóka, tímarita og vefsíðna. Allt svarið ...

Þú spyrð, við svörum »

Nokkur orð að lokum

Takk fyrir að fylgjast með því sem við erum að gera.

Ef þú þekkir einhvern sem þú heldur að gæti haft áhuga, er einfalt að áframsenda póstinn. Þú gætir líka bent þeim á að gerast sjálfir áskrifendur.

Ef þú vilt senda okkur ábendingu eða bara láta í þér heyra út af einhverju skaltu endilega senda okkur línu eða bara hringja í síma 693 7165. Við viljum heyra frá þér!

Arnar og Rakel
Vín og matur ehf

Allt er gott sem endar (vel)

Þessi póstur er sendur til [email address suppressed] af því þú skráðir þig á póstlista Víns og matar.
Komið nóg í bili? Smelltu hér til að segja upp áskriftinni.