Hátíðarvínlisti Íslands 2008 – pantaðu á netinu  Hann er mættur aftur, Hátíðarvínlisti Íslands 2008.
Í fyrsta skipti er Hátíðarvínlistinn á vefnum okkar þannig að hægt er að panta beint þaðan.
Fyrirkomulagið er það sama og við höfðum á útsölunni í haust. Ólíkt útsöluvínunum, sem voru hætt í sölu, eru öll hátíðarvínin fáanleg í Vínbúðunum, þó nánast eingöngu í Heiðrúnu og Kringlunni. Það má því alveg eins rölta þangað niður eftir og taka hátíðarvínin beint úr hillunum frekar en panta á netinu.
Kosturinn við að panta á netinu felst í því að þú getur þannig látið taka frá vínin í þínu nafni (þarft þá ekki að muna nöfnin á vínunum sem sem þú ætlaðir að kaupa að kaupa í Vínbúðunum) og ekki síst gerir það kleyft að senda vínin í hvaða Vínbúð sem er á landinu án aukakostnaðar.
Ef þú vilt sækja vínin á Eiðistorg, í Smáralind, Akranes, Raufarhöfn eða hvar sem er, notar þú vefsíðuna okkar til að velja hvaða vín þú vilt fá (ekkert lágmarksmagn) og Vínbúðina sem þú vilt sækja þau í.
Þegar þú ert búinn að senda pöntunina fer tölvupóstur beint í viðkomandi Vínbúð sem sér um að hafa vínin til fyrir þig fyrir þig.
Smelltu hér til að skoða Hátíðarvínlistann og panta á netinu
Ferlið tekur svona 5 daga svo ekki bíða of lengi
Jólin eru að koma.
[linkur á pdf útgáfu]
 Árið 1111 áformaði Hinrik V að heimsækja Ítalíu. Fulltrúi konungs og nautnaseggur, John Deuc að nafni, sendi aðstoðarmann sinn á undan til að skrifa orðið "Est!" á hurðar þeirra staða sem buðu upp á besta vínið. Í bænum Montefiascone varð aðstoðarmanninum svo mikið um gæði vínsins að hann merktu hurð eina með þreföldu "Est! Est!! Est!!!".
Það var ekki að spyrja þegar John Deuc mætti sjálfur til Montefiascone, hann var svo ánægður með vínið að hann framlengdi dvöl sína og drakk á endanum yfir sig og dó. Á legsteininn er ritað; "Út af of miklu Est - hér hvílir meistari John Deuc". Á dánarbeðinu hafði John arfleitt þorpið að nokkrum auði gegn því að þeir helltu einni tunnu af hverjum nýjum árgangi á leiði hans. Við það stóðu þorpsbúar og standa enn. Hvítvínin frá svæðinu voru síðan kennd við þessa sögu og þorpið þar sem hún átti sér stað, Est! Est!! Est!!! di Montefiascone.
Est! Est! Est!!! di Montefiascone eru almennt frekar einföld og frískleg hvítvín, að hætti Ítala. En Cotarella bræður í Falesco víngerðinni láta ekki ímynd eða vana stöðva sig frá því að gera fyrsta flokks vín. Est! Est!! Est!!! di Montefiascone Poggio dei Gelsi 2007 frá samnefndri vínekru er því ekki bara frísklegt heldur hefur það góða vigt í munni, er feitt eins og maður segir stundum. Þess vegna gengur það svo sérstaklega vel með t.d. humri en í raun má drekka það með öllum fiski og sömuleiðis ljósu kjöti.
Poggio dei Gelsi 2007 kostar 1.895 kr. og fæst eingöngu í Heiðrúnu og Kringlunni.
Lestu meira um Falesco víngerðina
 Við erum með nokkur sæt vín á lager sem ekki fást í Vínbúðunum. Það er hægt að sérpanta þau með því að senda tölvupóst á solumenn@vinbudin.is og gefa nafn, kennitölu og síma.
Sætvín eru stundum nefnd hugleiðsluvín. Þau vekja hjá manni tilfinningu ólíka hefðbundnum léttvínum, gjarnan sveipuð dulúð. Þau eru oft best ein og sér, eitt lítið sætvínsglas að kveldi iljar niður í hjartarætur. Þau eru léttvín sem hafa meira af öllu, ilm, sætleika, þyngd, höfugleika. Eitt er víst – að baki þeirra liggur oftast meiri vinna og ástríða en flestum öðrum vínum.
Fontodi Vin Santo 1999 – 3.050 kr. (375ml)
Rietine Vin Santo 1997 – 3.600 kr. (375ml)
Falesco Pomele 2007 – 2.390 kr. (500ml)
San Michele Appiano Comtesse 2004 – 3.190 kr. (375ml)
d‘Arenberg The Nostalgia Tawny – 2.190 kr. (375ml - gjafaumbúðir)
Vin Santo frá Fontodi og Vin santo frá Rietine eru töluvert frábrugðin þótt af sama meiði séu. Fontodi er þannig mun sætara og þykkara en Rietine þurrara svo minnir talsvert á sérrí. Á meðan bæði Vin Santo dveljast í eikartunnum í nokkur ár áður en þau fara á flöskur gera Pomele og Comtesse það alls ekki. Þau síðarnefndu eru framleidd með ferskleika í huga, eru ung og afskaplega ilmrík og fersk þrátt fyrir sætleikann. Pomele er rautt úr Aglianico þrúgunni en Comtesse hvítt úr Gewurztraminer þrúgunni.
Lestu um gerð Vin Santo vína á blogginu»
| 
