| Sjáið myndirnar! Ef þær vantar eða ef pósturinn lítur grunsamlega illa út geturðu smellt hér til að lesa hann í vafra |
|
Vínpósturinnfimmtudaginn 28. maí 2009 |
Sendur aðra hvora viku til 935 tryggra áskrifenda |
|
Í þessum Vínpósti: Nýtt vín | Sérpöntun | Uppskrift dagsins | Vínkeðjan | Dómar |
|||||
|
Montepulciano frá jarðskjálftasvæðum
í Abruzzo
Umani Ronchi á líka talsvert af vínekrum í nágrannahéraðinu Abruzzo þar sem hinir hræðilegu jarðskjálftar áttu sér stað fyrr í vor. Skjálftarnir áttu upptök sín í fjallgarðinum í miðju skagans en vínekrurnar hjá Umani Ronchi liggja aðeins austar í áttina að Adríahafinu. Ef Verdicchio er algjör lykilþrúga þegar kemur að hvítvínum víngerðarinnar þá er Montepulciano þrúgan álíka mikilvæg þegar kemur að þeim rauðu, hvort sem rauðvínin koma frá Abruzzo héraði eða Le Marche héraði. Montepulciano d'Abruzzo kemur frá vínekrum í Abruzzo eins og nafnið gefur til kynna. Hér erum við með gott dæmi um vín sem ber nafn eftir bæði þrúgu og svæði. Þetta er tvímælalaust ein bestu kaup sem við getum boðið upp á þessa dagana. Það er bæði betra og aðgengilegra en fyrri árgangar sem við höfum smakkað sem er alltaf sérstaklega ánægjulegt. Montepulciano d'Abruzzo 2008 kostar 1.790 kr. í Vínbúðunum Heiðrúnu, Kringlunni og Skútuvogi. Gott með grillinu. Barolo
2004 frá Luciano Sandrone
2004 árgangur er talinn einn besti árgangur af Barolo vínum sem framleiddur hefur verið. Það sem gerir vínin svo skemmtileg er að þau geymast ekki bara vel heldur eru þau einstaklega fáguð og opin. Liturinn er nokkuð ljós fremur en dökkur eins og í sumum árgöngum sem undirstrikar fágunina. Við erum heilluð upp úr skónum. Parker útgáfan og fleiri eru sammála þessu því Barolo Le Vigne 2004 (12.900 kr.) fær þar 96 stig af 100 og Barolo Cannubi Boschis 2004 (13.500 kr.) fær 98 stig. Verðin hafa hífst upp og það má deila um hversu hagstæð þau eru. Eitt er þó ljóst, mikið betri verða góð rauðvín að minnsta kosti ekki. Þar sem upplagið er svo takmarkað mælum við með því að áhugasamir sendi okkur fyrst póst til að kanna hvað er til. Risotto
með Montepulciano d'Abruzzo
Það er nóg að bera það fram með fersku grænmeti eða jafnvel grilluðum sveppum, kúrbít og þess háttar. Montepulciano d'Abruzzo smellpassar með réttinum en í þessari einföldu mynd gengur hann alveg jafn vel með hvítvín og þá jafnvel Verdicchio frá sama framleiðanda. Svalandi
Lambrusco í vorsólinni
"Meyerinn" lét ekki gamla mýtu um Lambrusco vín trufla sig þegar hann smakkaði Lambrusco frá Lini og bloggaði um það í Vínkeðjunni af mikilli elju. Ekki bara fannst það svalandi í vorsólinni heldur smellpassaði það með steikinni, kartöflubátunum og béarnaise sósusnni. Næsti bloggari í keðjunni fær sama vín í hendur.
DÓMAR
 Vín
mánaðarins í Gestgjafanum: Côtes du
Rhône 2006 frá Chateau de MontfauconHið heillandi rauðvín Côtes du Rhône 2006 frá Chateau de Montfaucon er valið Vín mánaðarins í nýjasta Gestgjafanum. Þeim finnst það í senn "léttur og kraftmikill Rónarbúi" og mæla með því t.d. með grillmat. Viðtökur í Vinbúðunum á þessu víni hafa verið góðar og vonandi verður framhald þar á. |
Þú þekkir okkur á miðanum
Ef þú sérð þennan miða á flösku í Vínbúðunum ekki vera hræddur. Þetta erum bara við. Lestu meira um hvernig vín við flytjum inn » Hjálpaðu okkur að stækka
Vínframleiðandi vikunnar
Rauðvínið góða í bolluflöskunni hefur verið uppselt lengi en nú geta unnendur þess tekið gleði sína aftur og gott betur því með í för verður systurhvítvín. Bæði munu kosta 2.590 kr. þegar í Vínbúðirnar er komið sem gerist eftir tvær vikur. Þau hafa aðeins breytt miðanum en sem betur fer ekki laginu á flöskunni. Einnig höfum við pantað ólífuolíu framleiðandans sem að sjálfsögðu er lífræn eins og vínin. Hún verður fyrsta ólífuolían sem við flytjum inn frá Frakklandi, nánar tiltekið Provence héraði. Ekki bara drekka. Líka smakka.
Vínsmökkun er fyrir alla. Við förum í fyrirtæki og heimahús og höldum vínsmökkun með tilheyrandi fróðleik. Sendu okkur póst eða hringdu í okkur í síma 693 7165 ef þú hefur áhuga á að skipuleggja vínsmökkun fyrir þig og þína. Vínsmökkun: ekki bara upp á punt » Nýtt og nýlegt á blogginu
Við mælum með...Víni
og mat á Facebook
Þarna birtast allar nýjustu bloggfærslur og Vínpóstar en líka ýmsir litlir punktar þar fyrir utan, vangaveltur og styttri fréttir. Þú getur líka sagt okkur hvað þér finnst um eitt og annnað. Láttu okkur heyra það! Dill í
Norræna húsinu
Allt við þennan stað er norrænt, frá vínglösum í eftirrétti, og ekki spillir fyrir fallegt útsýni yfir tjörnina og miðbæinn. Punkturinn yfir i-ið er svo náttúrulega húsið sjálft. Maturinn var virkilega góður, þjónusta og stemning öll til fyrirmyndar. Norrænn elegans í afslöppuðu umhverfi. Opið til matar í hádeginu og á kvöldin en þess á milli má fá sér sæti, kaffi, köku og kíkja í blöðin. Hiklaust eitt best geymda leyndarmál borgarinnar en það hlýtur að breytast.. Nokkur orð að lokum
Takk fyrir að fylgjast með því sem við erum að gera. Ef þú þekkir einhvern sem þú heldur að gæti haft áhuga, er einfalt að áframsenda póstinn. Þú gætir líka bent þeim á að gerast sjálfir áskrifendur. Ef þú vilt senda okkur ábendingu eða bara láta í þér heyra út af einhverju skaltu endilega senda okkur línu eða bara hringja í síma 693 7165. Við viljum heyra frá þér! Arnar
og Rakel |
||||
Í
gær gengum við frá pöntun frá góðum
fulltrúa í lífrænu deildinni, 
|