| Sjáið myndirnar! Ef þær vantar eða ef pósturinn lítur grunsamlega illa út geturðu smellt hér til að lesa hann í vafra |
 |
Vínpósturinnfimmtudaginn 17. apríl 2008 |
Sendur
aðra hvora viku |
Í þessum Vínpósti: Verðlaun í póstlistaáskorun, vínkeðjan:Sigurlín Bjarney bloggar um Montefalco, fiskiveisla í Vínbúðunum og myndir frá Veróna |
|
|
Við ætlum að blása til sóknar og stefnan er að koma Vínpóstinum til hvorki fleiri né færri en 0.3 prósent íslensku þjóðarinnar, 900 manns. Við þurfum ykkar hjálp til að takmarkið náist. Af hverju nýju hundraði sem bætist við póstlistann, 700, 800 og 900, ætlum við að draga út einn áskrifanda sem fær að launum glæsilegt vínsmökkunarkvöld þar sem Arnar mætir með glös, góða skapið og slatta af víni en engar gógópíur. Þegar svo áskrifendur verða orðnir 900 talsins ætlum við að slá til veislu með víni, mat og lifandi tónlist og þér verður boðið.
"Það er óhætt að mæla með flöskunni" segir Sigurlín Bjarney sem smakkaði Montefalco á dögunum á meðan hún horfði á Kiljuna og síðan aftur þegar hún var búin að lesa The Medieval Saga eftir Carol Clover. Ég held að Montefalco hafi hummað af ánægju í svo menningarlegu samhengi. Lestu hvað Sigurlín Bjarney segir fleira um rauðvínið Montefalco Það er eitt sem við höfum aldrei getað skilið — af hverju er ekki hægt að bjóða okkur upp á fjölbreyttari flóru af íslenskum skelfiski og ýmsu öðru sjávarfangi? Það liggur við að maður þurfi að þekkja einhvern í undirheimum borgarinnar til að komast yfir svo mikið sem krækling. En það er önnur sorg, önnur saga. Við ætluðum að segja frá fiskiveislunni sem stendur yfir í Vínbúðunum út apríl-mánuð. Þar er hægt að nálgast hefti með fróðleik, uppskriftum og sérstökum vínlista með vínum sem þykja góð með þeim réttum og inniheldur listinn meðal annars hvítvínin okkar Casal di Serra og Stump Jump. Hrós til vínsérfræðinga Vínbúðanna fyrir vandaða fróðleiksmola.
Ferðasaga birtist á blogginu innan skamms. Þangað til er hægt að skoða myndir sem urðu ekki margar þrátt fyrir að bloggarinn væri vopnaður nýrri myndavél. Það er svo erfitt að smakka, tala og taka myndir líka. Vínsýningin var annars vel heppnuð en ansi var mikið af fólki þarna. |
Þú þekkir okkur á miðanum
Ef þú sérð þennan miða á flösku í Vínbúðunum veistu að hún hefur verið valin af vandvirkni og ástríðu okkar sem flytjum hana inn frá framleiðendum sem skipta máli. Lestu meira um hvernig vín við flytjum inn » Vínframleiðandi vikunnar
Nýtt og nýlegt á blogginu
Við mælum með...Áskrift af erobertparker
Útskriftarsýningu LHÍ
Útskriftarnemar af myndlistardeild og hönnunar- og arkítektúrdeild Listaháskólans sýna verk sín í Kjarvalsstöðum. Sýningin hefst á laugardaginn kl. 14.00. Nánari upplýsingar hjá LHÍ Þættinum hefur borist bréf
Sigurjón sendi okkur póst og spurði hvað bíódýnamísk víngerð væri. Okkar svar: Þótt bíódýnamísk víngerð sé það nýjasta og heitasta í náttúrulega geiranum þá á hugtakið sér í raun mun lengri sögu. Svarið allt... Nokkur orð að lokum
Takk fyrir að fylgjast með því sem við erum að gera. Ef þú þekkir einhvern sem þú heldur að gæti haft áhuga, er einfalt að áframsenda póstinn. Þú gætir líka bent þeim á að gerast sjálfir áskrifendur. Ef þú vilt senda okkur ábendingu eða bara láta í þér heyra út af einhverju skaltu endilega senda okkur línu eða bara hringja í síma 693 7165. Við viljum heyra frá þér! Arnar
og Rakel |
|
