| Sjáið myndirnar! Ef þær vantar eða ef pósturinn lítur grunsamlega illa út geturðu smellt hér til að lesa hann í vafra |
|
Vínpósturinnfimmtudaginn 12. febrúar 2009 |
Sendur aðra hvora viku
|
|
Í þessum Vínpósti: Úr vínkjallaranum | Fréttir og tilkynningar | Uppskrift dagsins | Vínkeðjan | Úr fundarherberginu |
|||||
|
Ný Sine Qua Non rauðvín á hrafnaþingi
Vínin frá fínasta bílskúrsframleiðanda heims, Sine Qua Non í Kaliforníu, verða seint talin kreppuvæn en við státum okkur samt svolítið af því að bjóða þau þrátt fyrir allt á betra verði en annars staðar, a.m.k. í þessu sólkerfi. Karlinn í bílskúrnum heitir Manfred Krankl og “er alveg með þetta” eins og við segjum stundum á þessum bæ þegar við erum sérstaklega ánægð með eitthvað. Eins og á síðasta ári eru tvö rauðvín í boði, hvort með þremur mismunandi miðum. Þemað á miðunum í þetta sinn er ekki ryðguð olíhreinsunarstöð eins og síðast heldur svartur fugl sem veitir þeim sem þetta skrifar stundum fyrirsát í Laugardalnum. Myndirnar af krumma eru m.ö.o. sex, þrjár fyrir hvora rauðvíns-tegund. Sannkallað hrafnaþing. Maður að nafni Robert Parker (eins konar Loðvík XIV í vínheimum) hefur komist nær þessum vínum en margur annar og gefur þeim háar einkunnir á 100 stiga skalanum sínum. Varla verður hærra komist eins og einkunnir í sviga hér neðan gefa til kynna. Sine
Qua Non Raven Syrah 2006, 17.900 kr. — 96-99 stig Miðarnir eru leyndarmál þar til vínin koma opinberlega á markað 1. apríl en við setjum lítið brot af einum þeirra hérna fyrir ofan. Vínin eru svo væntanleg til landsins eftir mánuð eða svo. Við bjóðum nýja áskrifendur Vínpóstsins sérstaklega velkomna
Það þýðir bara eitt, það lítur út fyrir að við verðum að standa við partýið sem við lofuðum. Það eru góðar fréttir. Guðrún S. Hilmisdóttir (sjá mynd) var dregin úr hópi nýrra áskrifenda þegar við fórum yfir 800 áskrifendur. Hún var ekki lengi að hóa í góðan hóp vina sem hittist heima hjá henni og hlustaði á fagnaðarerindi bloggarans með tilheyrandi vínsmökkun í boði hússins og fingurfæði í boði La Primavera. Næsti vinningshafi verður dreginn út þegar við rjúfum 900 áskrifenda múrinn. Hlýtur hann eða hún sömu trakteringar. Nýir áskrifendur er boðnir sérstaklega velkomnir. Vonandi líkar ykkur vel. Lax
með spergilkáli og baunamauki
Hann kennir um níðvísu sem hann orti um hæfileika veiðifélaga sinna en vísan virðist hafa snúist gegn höfundi sínum. Bloggaranum tókst þó að hífa upp góðan slatta af bleikju uppi á Arnarvatnsheiði og það má vel nota hana í þessa uppskrift þótt hún sé hönnuð með lax í huga. Lax með spergilkáli og baunamauki er nýleg uppfinning á heimilinu sem lagst hefur vel í fjölskyldumeðlimi, stóra sem smáa. Hollur og góður réttur sem einfalt og fljótlegt er að búa til. Þótt sami litur sé ekki skilyrði mælum við með hinu bleiklitaða Rosando rósavíni frá Sandhofer með laxinum. Kristján
Jónsson lífskúnstner bloggar um Anima Umbra
Hlekk eftir hlekk, blogg eftir blogg. Keðjan hlekkjaðist á dögunum til Kristjáns Jónssonar lífskúnstners og bloggara sem drakk rauðvínið Anima Umbra alveg eins og á að gera það, í góðra vina hópi. Tilefnið hjá Kristjáni og félögum var að þessu sinni jafnframt að prófa hið nýja útvegsspil Vestfirzka kvótasvindlið. Stórskemmtilega bloggfærslu Kristjáns um spilamennsku og vínsmökkun má lesa hér Kristján segir þá félaga hafa klárað vínið á nýju brautarmeti og verður því haldið fram þar til annað kemur í ljós. Hann skorar á Sigurð Elvar Þórólfsson sem hefur tekið áskoruninni og bíður eftir að fá sama vín í hendur
Skoðanakönnun á Facebook: Myndir þú
kaupa vín í 500ml flöskum?
Hann er eini framleiðandinn okkar sem býður okkur hefðbundin léttvín bæði í 750ml og 500ml flöskum. Við áttum okkur ekki á því hvort 500ml flöskur væru sniðugar en flaskan yrði að sjálfsögðu nokkuð ódýrari en sama vín í 750ml. Þegar hafa nokkrir sagt skoðun sína á málinu og gaman væri að heyra í fleirum. |
Þú þekkir okkur á miðanum
Ef þú sérð þennan miða á flösku í Vínbúðunum ekki vera hræddur. Þetta erum bara við. Lestu meira um hvernig vín við flytjum inn » Hjálpaðu okkur að stækka
Vínframleiðandi vikunnar
Hjartað okkar slær aðeins örar í Toskana en öðrum svæðum Evrópu. Landslagið, sagan, listin, vínið og maturinn eru endalaust heillandi. Mitt í Toskana liggur Chianti Classico svæðið og þar eru margir framleiðendur um hitann. Einn þeirra er Fontodi en í höndum eigandans eru framleidd einstaklega heillandi vín sem eru fullkomnlega lífræn. Þótt Fontodi framleiði tvö stærri rauðvín þá er það "minnsta" rauðvínið, sem heitir einfaldlega Chianti Classico eftir svæðinu, sem heillar okkur jafnan mest. Það er einlægur fulltrúi síns héraðs og gott matarvín umfram allt. Alveg eins og við viljum hafa það. Vínið fæst í Vínbúðunum sem stendur á gamla verðinu, 2.370 kr., og því sjaldnar betri kaup en nú. Ekki bara drekka. Líka smakka.
Vínsmökkun er fyrir alla. Við förum í fyrirtæki og heimahús og höldum vínsmökkun með tilheyrandi fróðleik. Sendu okkur póst eða hringdu í okkur í síma 693 7165 ef þú hefur áhuga á að skipuleggja vínsmökkun fyrir þig og þína. Vínsmökkun: ekki bara upp á punt » Nýtt og nýlegt á blogginu
Við mælum með...Sinfóníutónleikum
í kvöld
Einn mest spennandi atburður Myrkra Músíkdaga eru jafnan tónleikar Sínfóníuhljómsveitar Íslands. Í kvöld kl. 19.30 í Háskólabíó verða flutt fimm ný íslensk verk, þar af tvö frumflutt. Annað þeirra er eftir Daníel Bjarnason sem jafnframt er stjórnandi sinfóníunnar í kvöld (og áskrifandi að Vínpóstinum til langs tíma...) og er það í fyrsta sin sem hann heldur á sprotanum þar. Verkið eftir Daníel er píanókonsert og er það Víkingur Heiðar Ólafsson sem það flytur Við mætum. Allt um tónleikana á vef Sinfóníuhljómsveitarinnar Nokkur orð að lokum
Takk fyrir að fylgjast með því sem við erum að gera. Ef þú þekkir einhvern sem þú heldur að gæti haft áhuga, er einfalt að áframsenda póstinn. Þú gætir líka bent þeim á að gerast sjálfir áskrifendur. Ef þú vilt senda okkur ábendingu eða bara láta í þér heyra út af einhverju skaltu endilega senda okkur línu eða bara hringja í síma 693 7165. Við viljum heyra frá þér! Arnar
og Rakel |
||||
|