LÍFRÆNAR VÍNFRÉTTIR

Heildarlausn frá Sikiley

Það var ilmurinn af sætum melónum sem fékk okkur til að þefa uppi lífrænu bændurna í Valdibella. Þær komu í Frú Laugu í sumar ásamt vínberjum, plómum, ólífuolíu og möndlum (og appelsínur eru á leiðinni).

Þegar við fréttum að þeir gerðu líka léttvín fengum við að smakka þau og líkaði svo vel að þau fengu að fljóta með. Þetta eru alveg óþekkt bændavín. Undir radar. Líklegast aldrei orðið svo fræg að einhver þekktur vínspekúlant hafi rekið nefið ofan í þau og gefið einkunn.

Þar til nú.

Rauðvínið Jaki er VÍN MÁNAÐARINS í jólablaði Gestgjafans sem finnst það "ákaflega sjarmerandi" og hvítvínið Ariddu finnst þeim "fágað og vandað". Þriðja vínið, rósavínið Dhyana , var ekki til umfjöllunar að þessu sinni en já, það er líka gott.

Öll vínin eru lífræn, beint af akrinum og inn í Vínbúðirnar Heiðrúnu, Kringlu og Skútuvog á 2.689 kr./stk.

Meira um Valdibella vínin hér